ሀብታሙ ስዩም

ቆይታ ከዓለም አቀፍ የእግር ኳስ ዳኛ እና "ኮሚሽነር" ጌራወርቅ ከተማ ጋር

በሀገር ውስጥ እና በዓለም አቀፍ የእግር ኳስ ጨዋታዎች ላይ ካገለገሉ ጥቂት ኢትዮጵያዊያን ዳኞች መካከል አንዷ ጌራ ወርቅ ከተማ ናት ። በአሁኑ ሰዓት በጨዋታ ታዛቢነት (ኮሚሽነርነት ) እያገለገለች ያለችው ጌራ ወርቅ ፣ ሴት የእግር ኳስ ዳኞች እንዲበራከቱ ተጨማሪ ስራዎች መሰራት እንዳለባቸው ትናገራለች ። የዓለም ዋንጫን አስታከን በእንግድነት የጋበዝናት ጌራወርቅ ፣ ስለሙያዊ ጉዞዋ እና ተያያዥ ጉዳዮች ሀሳቦቿን ታጋራናለች ።

የዩኤስ- አፍሪካ መሪዎች ጉባዔ ሁለተኛ ቀን ውሎ

የኢትዮጵያዊያኑ አባት እና ልጅ ትኩረትን የሳበ የዓለም ዋንጫ ጉዞ

ለኢትዮጵያ የስፖርት ቤተሰብ ስሙ አዲስ ያልሆነው ቴዎድሮስ ባጫ እና ልጁ ዳግማዊ ቴዎድሮስ ሁሉንም የዓለም ዋንጫ ጨዋታዎች እንዲታደሙ በፊፋ ከተጋበዙ ሰነባብተዋል። ካታር ላይ ከዓለም ዕውቅ የስፖርት ሰዎች ጋር በሚገናኙባቸው ቅጽበቶች የሀገራቸውን ባህል በማስተዋውቅ ጭምር የሚያሳልፉት አባት እና ልጅ "የእግር ኳስ ፍቅር " ብሎም እዚህ ለመድረስ ያለፉበት መንገድ የብዙዎችን ትኩረት የሚስብ ነው ። ልዩ የዓለም ዋንጫ ሽፋናችን እንግዶች አድርገናቸዋል ።

ኪረሙና አንገር ጉቴ ወረዳዎች ውስጥ በተፈፀሙ ጥቃቶች ብዙ ሰዎች መገደላቸው ተገለፀ

ኪረሙና አንገር ጉቴ ወረዳዎች ውስጥ በተፈፀሙ ጥቃቶች ብዙ ሰዎች መገደላቸው ተገለፀ

በኦሮሚያ ክልል ምስራቅ ወለጋ ዞን ኪረሙ እና አንገር ጉቴ ወረዳዎች ውስጥ ከኅዳር 9 ጀምሮ እየተፈጸሙ ነው በተባሉ ጥቃቶች ቁጥሩ የበዛ ሰው መገደሉንና በሺሆች የሚቆጠሩ መፈናቀላቸውን ነዋሪዎች ለአሜሪካ ድምፅ ተናግረዋል።

ልዩ ድጋፍ ለሚሹ ታዳጊዎች ተገን ለመሆን ያለመው የ "ራዕይ" ምሽት

ልዩ ድጋፍ ለሚሹ ህጻናት እና ታዳጊዎች የቀለም እና የሙያ ትምህርት መስጠትን ጨምሮ ሌሎች የበጎ አድራጎት ስራዎችን ለዓመታት የከወነው የሰሜን አሜሪካው ራዕይ የህጻናት መርጃ ድርጅት ከሰሞኑ ልዩ የድጋፍ ማሰባሰቢያ እና ግንዛቤ ማስጨበጫ ዝግጅት አሰናድቷል። በፋልስ ቨርች ፣ቨርጂኒያ ግዛት የተካሄደውን ይሄን ዝግጅት ሀብታሙ ስዩም ያስቃኘናል ።

የአማካይ ዘመን ምርጫ መራጮች እና አስመራጮች አስተያየት

ዛሬ በመላ ዩናይትድ ስቴትስ የአማካይ ዘመን ምርጫ እየተካሄደ ነው። በአርሊንግተን ቨርጂኒያ ማዕከላዊ ቤተመጽሐፍት ምርጫ ጣቢያ የተገኙ መራጮች እና አስመራጮች አስተያየታቸውን አካፍለውናል። /ሙሉውን ከተያያዘው ፋይል ይከታተሉ/

ትግራይ ውስጥ የተካሄደውን ጦርነት ሁለተኛ ዓመት ለማሰብ ሰልፎች ተካሄዱ

ቆይታ ከተፈጥሯዊ የውበት መጠበቂያ አምራች ህይወት ዓለማየሁ ጋር

ህይወት ዓለማየሁ ዩናይትድ ስቴትስ ውስጥ በንግድ ዘርፍ እየተንቀሳቀሱ ከሚገኙ ትውልደ -ኢትዮጵያዊያን መካከል አንዷ ናት ። የኮቪድ 19 ወረርሽኝ በተቀሰቀሰ ሰሞን በተጠነሰሰው ፣አኪ-5 በተሰኘ ድርጅቷ በኩል ከተፈጥሯ ግብዓቶች የሚቀመሙ የውበት መጠበቂያ ምርቶችን ለተጠቃሚዎች እያቀረበች ትገኛለች ። መልካም ምላሽ እያገኘች እንደሆነም ትናገራለች ።ከህይወት ጋር ያደረግነው አጭር ቆይታ ከስር ተያይዟል ።

"ኢምፓክት አዋርድ" ፣የኢትዮጵያኑ የእውቅና እና የሽልማት ምሽት በአሜሪካ

በየዓመቱ በኢትዮጵያዊያን ብሎም በአፍሪካዊያን ህይወት ውስጥ መልካም አሻራ ያኖሩ ባለሙያዎችን የሚሸልመው "ኢምፓክት" አዋርድ ከሰሞኑ ተካሄዷል። በዚህ የእውቅና እና ሽልማት ስነስርዓት ላይ የኢትዮጵያ አምባሳደር ፣የዩናይትድ ስቴትስ የተለያዩ ከተሞች ባለሥልጣናት፣ የኪነጥበብ ሰዎች እና አትሌቶች ተገኝተዋል። 

"በኢትዮጵያ የተሰራ" የንግድ ትርኢት በቨርጂኒያ ግዛት ተካሄደ

የንግዱን ማኅበረሰብ፣ ከትውልደ-ኢትዮጵያዊያን ሸማቾች ጋር ለማስተዋወቅ ያለመ "ሜድ ኢን ኢትዮጵያ” (በኢትዮጵያ የተሰራ) የተሰኘ የንግድ ትርኢት ከሰሞኑ በቨርጂኒያ ግዛት አሌክሳንድሪያ ከተማ ግዛት ተደርጓል። የንግድ ትርኢቱ ተሳታፊዎች እና አዘጋጆች መሰል መርኃግብሮች በውጭ ሀገር የሚገኘው የትውልደኢትዮጵያዊያንን የንግድ ዘርፍ ትብብር ለማጠንከርም የላቀ ሚና እንደሚኖራቸው ተናግረዋል።

በሊባኖስ በሚገኙ የቤት ሰራተኞች ላይ የሚደርስ ጾታዊ ጥቃትን የተመለከተ ጥናት ይፋ ተደረገ

በሊባኖስ በሚገኙ በቤት ሰራተኝነት በሚያገለግሉ ሴቶች ላይ ይፈጸማል የተባለን ጾታዊ ጥቃትና ትንኮሳን የተመለከተ ጥናት ከሰሞኑ ይፋ ተደርጓል። አስር ወራትን የፈጀው ጥናት በሀገሪቱ የህግ ከለላ ያጡ ሰራተኞች እየደረሰባቸው ያለውን ጾታዊ ጥቃት ስፋት እና ለመፍትሄነት መተግበር ያለባቸውን እርምጃዎች አመላክቷል። ጥናቱን ከሊባኖስ አሜሪካ ዩኒቨርሰቲ ባልደረባ ጋር በትብብር ያደረገው "እኛ ለእኛ" የተባለው የስደት ማህበር ዋና ስራ አስኪያጅ ባንቺ ይመርን አነጋግረናል።

"ዲሲ -አፍሪካ ፌስቲቫል" በጨረፍታ

በመቶሺዎች የሚቆጠር ህዝብ መኖሪያ የሆነችው የዩናይትድ ስቴትስ ዋና ከተማ ፣ዋሺንግተን ዲሲ የበርካታ ትውልደ አፍሪካዊያንም ቤት ናት። አፍሪካዊያን ከከተማዋ ጋር ያላቸውን ቁርኝት ለማሳደግ ፣ ባህል እና ትወፊታቸውንም ለማስተዋወቅ ያለመ ፌስቲቫል ከሰሞኑ ተካሄዷል። ሀብታሙ ስዩም ፌስቲቫሉን በጨረፍታ ያስቃኘናል።

ጤናማ አፍላነትን ደጋፊው የ "ወጣቶች ተሰጥኦ ማህበር "

አፍላ ወጣቶች በስነ-ተዋልዶ ጤና፣ በማህበረሰብ ተሳትፎ፣ የሴት ልጆችን ብቃት በማጎልበት ረገድ አስፈላጊ ዕውቀት እንዲጨብጡ ለመርዳት ከተቋቋሙ ድርጅቶች መካከል አንዱ " የወጣቶች ተሰጥኦ ማህበር" Talent Youth Association ነው ። ስለ ማህበሩ ወቅታዊ እንቀስቃሴዎች እና ግቦች ለማወቅ ሀብታሙ ስዩም የማህበሩን መስራች ኤፍሬም ብርሃኑን አነጋግሯል ።

ወጣቶችን በበጎ ለማስተሳሰር ስለተጋው መረብ በጥቂቱ

"የኢትዮጵያ ወጣቶች ትስስር መረብ"፣ ወጣቶችን ወደ በጎ ግብ ለመምራት ያለመ የማህበራዊ ሚዲያ አገልግሎት ነው። ሙያ ተኮር ሀሳቦች፣ አስተሳሳብ ቀያሪ ዘመቻዎች እና ሌሎች ለወጣቶች የሚበጁ መረጃዎች እና አገልግሎቶች የሚሰራጩበት መረብ መስራች " ዘ ኢንስፓይርድ ኢትዮጵያን " የተሰኘው የወጣቶች ማህበር ነው። ከማህበሩ መስራች ፣ የወጣቶች የስብዕና እና ሙያዊ ብቃት ግንባታ ባለሙያ ልዩነህ ታምራት ጋር ያደረግነውን አጭር ቆይታ ያድምጡ ።

ቆይታ ከአፍሪካ ቀንድ ልዩ መልዕክተኛ አምባሳደር ማይክ ሀመር ጋር

ትውልደ-ኢትዮጵያዊያን የተሳተፉበት የ"አፍሪካ ጣዕም" ፌስቲቫል ተካሄደ

"ቴስት አፍ አፍሪካ( የአፍሪካ ጣዕም)" ፣ ትውልደ-ኢትዮጵያዊያንን ጨምሮ የአፍሪካዊያን የንግድ ድርጅቶች እና አገልግሎት ሰጪዎች የተሳተፉበት አውደ-ርዕይ ነው። ከሰሞኑ በቨርጂኒያ ግዛት ፣ ፌርፋክስ ከተማ የተዘጋጀው መድረክ አፍሪካዊያን ወጣቶች ስለ ባህላቸው እንዲያውቁ፣ የንግድ ተኮር ትስስሮችን እንዲያጠናክሩ ያለመ መሆኑን አዘጋጆች ተናግረዋል። ሀብታሙ ስዩም ቀጣዩን ዘገባ አዘጋጅቷል።

"ረዳት "- ህመምተኞችን በአደራ የሚንከባከበው የትውልደ- ኢትዮጵያኑ መላ

"ረዳት " የህክምና አገልግሎት ለመስጠት የተቋቋመ ድርጅት ነው። በውጭ ሀገራት የሚኖሩ ኢትዮጵያዊያን ፣ ሀገር ቤት ለሚገኙ ህክምና የሚሹ ዘመዶቻቸው ሀኪም እና ተንከባካቢ እንዲቀጥሩ የሚያስችለው አገልግሎት ፣ የህክምና አሰጣጥን የማዘመን ግብ እንዳለው ተነግሮለታል ። ስለ አገልግሎቱ የበለጠ ለማወቅ ፣ የድርጅቱን የሰሜን አሜሪካ እንቅስቃሴዎች አስተባባሪ እና አማካሪ ሲ/ር ዓይንአዲስ ፍቃዱን አነጋግረናል ።

የትምህርት መረጃ ስርዓትን ለማዘመን ያለመ "ኢ-ስኩል" የተሰኘ አገልግሎት ተዋወቀ

ግጭት እና ጦርነት በከረመባት ኢትዮጵያ የሚገኙ ትምህርት ቤቶች ከገጠማቸው ችግሮች መካከል አንዱ የትምህርትተቋማት ፣ መረጃ እና መዛግብት ውድመት እንደሆነ ሲነገር ተሰምቷል። እንዲህ ያለውን ችግር ለመቅረፍ ብሎም የተለመደው የትምህርት አሰጣጥ ስርዓት ለማዘመን ያለመ " ኢ-ስኩል" የተሰኘ ስርዓት ፣ ዋልያ ቴክኖሎጂስ በተባለ ተቋም በኩል ከሰሞኑ ተዋውቋል። ስለ "ኢ-ስኩል" ምነነት እና ፋይዳ እንዲያስረዱን የዋልያ ቴክኖሎጂ መስራች አቶ አንተነህ አስራትን ጋብዘናል ።

አስጠኝዎችን ከትምህርት እገዛ ፈላጊዎች ጋር ያዘመደው የቴክኖሎጂ መላ

ኢትዮጵያ ውስጥ ያለው የመምህር-ተማሪ ምጥጥን በተፈለገው መጠን አለመገኘቱ ፣ጥራት ያለው የትምህርትን ለማዳረስ እንደ ተግዳሮት ሲቆጠር ሰንብቷል። ይሄንን ችግር ለመቀነስ ፣ የጥናት አገልግሎቶችን በመዘርጋት ላይ የሚገኙ ተቋማት እየተበራከቱ ይገኛሉ። ከእነዚህ መካከል ሃሌታ ቱተርስ ተቋም አንዱ ነው። ከ400 በላይ አስጠኝዎችን ከትምህርት እገዛ ፈላጊዎች ጋር ያስተሳሰረው ተቋም አጋር መስራች የሆነውን ናትናኤል ዘውዱን እንግዳችን አድርገናዋል።